أسوان – رحاب مجدي
لا يأتي ذكر شهر رمضان الكريم , إلا ويأتي ذكر ملك مائدة السحور "طبق الفول أبو وش بيلمع " , و لا يأتي ذكر الفول إلا و يأتي ذكر " أولاد موسي " أحد أشهر قلاع الفول و المأكولات الشعبية بمحافظة أسوان .
يقول حسن موسي سالم الذي يمثل الجيل الثالث من عائلته في إدارة المحل : " احنا بنشتغل من أكتر من 60 سنة من أيام جدي موسي الحريجي رحمة الله عليه , زمان جدي كان بيعمل الفول المدمس كان يحفر حفرة في الأرض و يحط خشب و يولعها نار و يحط عليها القدرة تطلع أحلى فول و بعد ما كبر نشاطنا فتحنا المحل و لما جدي اتوفي غيرنا اسم المحل من موسي لأولاد موسي ".
وأكد سالم ل " مصر الناس " , أن أبناء العائلة فضلوا استكمال مسيرة جدهم لآنهم أحبوا المجال وأصبحت المهنة تجري بدمائهم لافتاً تولي خمسة من أبناء العائلة مهمة إدارة المحل.
وتحدث عن طبيعة العمل بالمحل قائلا : " زي ما الناس بتورث المال و الاراضي من أهاليهم احنا ورثنا سمعة جدي و حب الناس له و اتقانه و ضميره في شغله و لغاية دلوقتي بنستعمل الفول البلدي علشان تطلع الحباية سليمة مش مهروسة في المية اتعلمنا كتير من الشغل في المحل و أهم حاجة اتعلمناها الصبر لأننا بنتعامل مع ناس و طباع مختلفة و لازم نراضي الناس كلها محدش بيمشي من عندنا زعلان حتي أن السعر دلوقتي موحد لأصغر علب الفول بثلاثة جنيه بس احنا لسه بنطلع الكيس أبو جنيه حفاظاً علي تراث جدي رحمة الله عليه و مراعاة لظروف الناس الصعبة الفترة دي ."
و يُكمل حسن متحدثاً عن رمضان و أجوائه, " بالرغم من زيادة الطلب في الشهر الكريم إلا أننا شايفين أن الناس تعبانة و مش قادرة اللي كان بيشتري طلبات بخمسة جنيه بقي يشتري بأتنين و تلاثة بس !! رمضان زمان غير دلوقتي خالص كل حاجة اختلفت حتي روح رمضان الجميلة اللي كانت بتونسنا دلوقتي بقت الأيام بتجري و مش بنحس بيها . "
و أثناء تواجد " مصر الناس " في محيط المحل , كانت سيدة في آواخر الخمسينيات من عمرها بشوشة الوجه تمسك بيداها طفلا صغيراً لا يتجاوز عمره التاسعة وكيساً يحمل شعار المحل , فاقتربت منها و حييتها و سألتها ماذا تحملين ؟ فأجابت " علبة الفول علشان السحور " ثم أكملت " انا من يوم ما اتجوزت و سكنت جنب المحل و احنا دايما بنتعامل معاهم و أولادي اتربوا على فول أولاد موسى و ده حفيدي كنت بعرفه المكان علشان يجيبلنا دايما فول و طعمية من أولاد موسي " .
لا يأتي ذكر شهر رمضان الكريم , إلا ويأتي ذكر ملك مائدة السحور "طبق الفول أبو وش بيلمع " , و لا يأتي ذكر الفول إلا و يأتي ذكر " أولاد موسي " أحد أشهر قلاع الفول و المأكولات الشعبية بمحافظة أسوان .
يقول حسن موسي سالم الذي يمثل الجيل الثالث من عائلته في إدارة المحل : " احنا بنشتغل من أكتر من 60 سنة من أيام جدي موسي الحريجي رحمة الله عليه , زمان جدي كان بيعمل الفول المدمس كان يحفر حفرة في الأرض و يحط خشب و يولعها نار و يحط عليها القدرة تطلع أحلى فول و بعد ما كبر نشاطنا فتحنا المحل و لما جدي اتوفي غيرنا اسم المحل من موسي لأولاد موسي ".
وأكد سالم ل " مصر الناس " , أن أبناء العائلة فضلوا استكمال مسيرة جدهم لآنهم أحبوا المجال وأصبحت المهنة تجري بدمائهم لافتاً تولي خمسة من أبناء العائلة مهمة إدارة المحل.
وتحدث عن طبيعة العمل بالمحل قائلا : " زي ما الناس بتورث المال و الاراضي من أهاليهم احنا ورثنا سمعة جدي و حب الناس له و اتقانه و ضميره في شغله و لغاية دلوقتي بنستعمل الفول البلدي علشان تطلع الحباية سليمة مش مهروسة في المية اتعلمنا كتير من الشغل في المحل و أهم حاجة اتعلمناها الصبر لأننا بنتعامل مع ناس و طباع مختلفة و لازم نراضي الناس كلها محدش بيمشي من عندنا زعلان حتي أن السعر دلوقتي موحد لأصغر علب الفول بثلاثة جنيه بس احنا لسه بنطلع الكيس أبو جنيه حفاظاً علي تراث جدي رحمة الله عليه و مراعاة لظروف الناس الصعبة الفترة دي ."
و يُكمل حسن متحدثاً عن رمضان و أجوائه, " بالرغم من زيادة الطلب في الشهر الكريم إلا أننا شايفين أن الناس تعبانة و مش قادرة اللي كان بيشتري طلبات بخمسة جنيه بقي يشتري بأتنين و تلاثة بس !! رمضان زمان غير دلوقتي خالص كل حاجة اختلفت حتي روح رمضان الجميلة اللي كانت بتونسنا دلوقتي بقت الأيام بتجري و مش بنحس بيها . "
و أثناء تواجد " مصر الناس " في محيط المحل , كانت سيدة في آواخر الخمسينيات من عمرها بشوشة الوجه تمسك بيداها طفلا صغيراً لا يتجاوز عمره التاسعة وكيساً يحمل شعار المحل , فاقتربت منها و حييتها و سألتها ماذا تحملين ؟ فأجابت " علبة الفول علشان السحور " ثم أكملت " انا من يوم ما اتجوزت و سكنت جنب المحل و احنا دايما بنتعامل معاهم و أولادي اتربوا على فول أولاد موسى و ده حفيدي كنت بعرفه المكان علشان يجيبلنا دايما فول و طعمية من أولاد موسي " .
ليست هناك تعليقات:
إرسال تعليق